抗癌勇士丨顏國樑患鱗狀癌曾昏迷半個月　積少顏太四出奔波為夫「續命」

現年74歲的甘草演員顏國樑（顏爺），在2022年於無綫台慶自揭患上罕見的鱗狀癌，於今年1月初曾入院留醫半個月，當時他出院不久便接受老友鄧英敏的網上節目訪問，並以「走出鬼門關」來形容自己經歷。

在昨晚（4月29日），顏國樑罕有帶同太太霍潔貞齊出鏡上梁思浩、黃紫恩（Jojo）及黃耀英主持的TVB Plus節目《直播靈接觸》做嘉賓。

顏太霍潔貞曾當藝人，梁思浩指顏國樑與太太十分恩愛，爆料稱在化妝間見到顏國樑讚太太：「靚過你拍戲嗰時。」，並稱讚兩人是患難夫妻。

樂觀抗癌丨顏國樑月初入院曾昏迷數天　數度出現呼吸困難：反應慢啲就無架喇

▲ 顏國樑與太太霍潔貞（左三）齊任《直播靈接觸》嘉賓。

呼吸困難靠吸純氧

顏國樑今次精神較年初上鄧英敏網上節目時好，他表示現時身體情況尚可：「做過手術，裏面擺咗支架，會痕，令到我咳，咳嘅時候似怪獸，好嚇人。」

梁思浩指顏國樑在鬼門關徘徊，顏太霍潔貞四出尋找方法希望可為丈夫續命。霍潔貞表示：「當時醫生同我講，隨時會轉差，佢入院已經昏迷要搶救。搶救咗十零分鐘，醫生行出嚟同我講：『而家搶救咗，暫時OK，隨時轉差，要送去深切治療部』。」

當時顏國樑已呼吸困難要吸純氧氣，霍潔貞憶述：「每一秒都好用力、好辛苦呼吸，好似隨時會停止咁，心情真係好驚。」

▲ 顏國樑在《直播靈接觸》講自己如何走出鬼門關。

想盡方法為夫「續命」

曾數度因呼吸困難入院的顏國樑說：「又有幾次出現抖不到氣，好辛苦。因為患鱗狀細胞癌，要裝個支架去協助呼吸，不過醫生說做這個手術有機會死，所以做之前要簽紙吧，幸好手術後我並非躺在ICU，而是在加護病房。事後護士也說好危險，她說只要3分鐘內救不到，你就會死。」

顏國樑彌留之際此危急關頭，顏太請師傅「續命」，稱：「我去咗濟公廟搵廟祝，幫佢祈福。裝香、化寶、誠心求拜，佢（顏國樑）平時抄咗啲《心經》，我拎去化咗佢，總之就係做呢啲。」不過梁思浩補充稱：「唔係一定得㗎。」

甚至已有朋友向霍潔貞表示，如果丈夫捱不這15日便「預咗幫佢做身後事。」顏太稱：「我諗起娛樂圈好朋友，即刻打畀佢，8點幾，問佢有乜可以做，佢叫我第二朝一早去濟公廟裝塔香，呢15日係一個關。」

▲ 顏太霍潔貞以前曾為TVB演員。

顏國樑憶昏迷情況

顏國樑回憶昏迷的15日期間，在半醒之間的幾個片段：「首先我喺ICU係得兩個人，嗰個人喺度行來行去，我喺張床無奈地睇佢行，佢講電話：『我知，玩梗時差吖嘛，而家係下晝5點幾，唔係10點幾，我知，會過去澳門嗰邊做實驗嘛，我明。』」

而第二個片段是老友打電話給他，對顏國樑說：「你俾人整蠱啊，俾人玩梗時差，不過醫院知，會補償返畀你。」

▼點擊圖片放大

+6

+5

至於第三個的片段，顏國樑表示感覺較現實：「到時到候有兩個醫務助理，肥嘟嘟、大媽嗰啲，走埋嚟捉我。我唔畀佢捉，我覺得佢唔係善意：『你好曳啊！』，你仲覺得佢係善意？兩個砰砰聲走埋嚟。當時我郁唔到，俾人綁住咗，佢又捉我唔到，打到隻手啲管甩晒，成床血，畀佢鬧：『你好曳啊！你成日郁！』」」不過一切也或都是因病及服藥後的幻覺。

梁思浩最後稱，顏國樑要好好多謝太太：「係佢嘅功德，所做嘅一切畀你返嚟。」並指夫婦二人十分恩愛。

最新影片推介：

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5